離離合合多次的22歲美國女模Bella Hadid與29歲加拿大男歌手The Weeknd，因為聚少離多而第3度分手，兩人將會專注事業，但被睇死不久之後又會復合！
一年前復合的Bella與The Weeknd又分手，知情者透露經常分隔異地是一個因素，而他們將專注事業：「佢哋依家喺唔同地方，物理上同精神上都係。Bella準備緊佢時裝周嘅工作，The Weeknd就做緊新碟同為初次演出練戲。」
雖然兩人經常乘飛機來回東西兩岸，但檔期無法遷就，總是無法同一時間在同一城市。知情者繼續透露：「佢哋分隔異地產生多咗磨擦，最近經常鬧交，已經有幾個月冇好好相處過。佢哋都想將來可以一齊番，但依家專注喺自己同事業上。」
Bella前日於社交網站Instagram上載兩張側臥露胸自拍新相，留言：「我個能量只係有愛同光。」似是力證心情未受影響！由於她毫無表情，遂補充：「仲有我唔係嬲，只係陽光曬住變咗咁。」The Weeknd則於Twitter上載新自拍照表示：「製作大碟模式完全啟動。」
Bella與The Weeknd於2015年初拍拖，首次公開戀情是在5月的Coachella音樂節，但12月首次分手。翌年2月兩人突然復合，只是到11月又再分手。The Weeknd於2017年1月與女歌手Selena Gomez拍拖，10月分手。Bella與The Weeknd於2018年5月復合，如今第3度分手，未知下次復合是幾時？