張敬軒做空中飛人笑到口乾！

軒仔擺晒甫士咁，明顯信心十足！

兩人在第一集挑戰室內跳傘Ifly，兩人先在酒店房用風筒做「吹風測試」，測試皮膚緊緻度。Donald大呻吹到頭暈，笑問是否有驅風油。輪到軒仔，Donald即變身「魔鬼教練」開大風狂吹他的臉，更嚴禁軒仔笑！

着戰衣似車房仔

正式跳傘前，兩人認真地上堂聽教學，然後各自選戰衣，選了藍色衫的軒仔說：「我似整車嘅，Donald就似賽車手，等我仲懶叻，諗住藍色靚啲！」Donald立即反擊：「係樣嘅問題，唔關顏色事o架，張生！」兩人之後正式落場玩，不斷失控亂飛，要教練幫忙扶正，幸而之後漸入佳境，與教練齊齊360度轉圈高低飛翔！

Donald狂噴口水

Donald做完「空中飛人」後，笑說：「大會不斷叫我笑多啲，但一笑口水就噴出嚟！」軒仔則相反，笑到口乾：「我乾到嘴唇掛住喺牙肉上，合唔埋口！佢仲話最正就係，真係有飛緊嘅感覺，不過又話：『試過就夠啦，平時都係行路搭車就夠。』」

做空中飛人的軒仔狂笑食風，難怪吹到口乾！

張敬軒（左）同Donald又有新搞作，今次玩轉新加坡。