溫碧霞生日驚喜開心收巨鑽
溫碧霞（Irene）與老公Kenny趁囝囝Xavier放暑假，一家三口到美國洛杉磯旅行。前日Irene生日，老公安排連串浪漫驚喜，首先與囝囝秘密訂了一間望海的餐廳，享受浪漫燭光晚餐，期間Kenny突然送上預先收好的鮮花，Irene冧暈之際，他再送上一隻巨型鑽戒，氹得老婆非常開心。
Irene感動說：「好感謝Kenny同囝囝特登秘密安排呢餐生日飯，我哋三個人一齊走過好多開心日子，真係好感恩一路有佢哋陪住我。（老公送嘅巨鑽有幾多卡？）哈哈，我冇問，幾多卡都好，對我最大意義係有佢哋父子陪我，就算冇禮物都咁開心。（囝囝送咗咩禮物？）香吻。」
