反對入行！任達華唔想囡囡捱夜

任達華、梁詠琪、袁澧林、羅仲謙與楊采妮等，前晚在沙田出席電影《小Q》慈善首映禮，原著作者秋原良平及石黑謙吾都有到場，任達華太太琦琦與女兒任晴佳，抵達後快步進入戲院。現場安排電影主角導盲犬布丁上台，布丁與任達華重逢即不斷「獻吻」，搞到他成面口水！拍戲拍出真感情的他，承諾布丁退休後會爭取收養權，希望「一家團聚」！談到愛女任晴佳為雜誌拍照騷長腿，他說：「佢身形比例似足媽咪，雙腳仲長過我，不過暫時我唔鼓勵佢拍戲，女仔捱更抵夜唔係咁好，屋企已經有一個我，亦私心希望佢多啲時間陪我。」若愛女走模特兒路線，他亦稱「唔批准」。