歌手陳柏宇（Jason）和師妹黃妍昨日出席聖基道兒童院舊生分享會，Jason曾於3歲入住兒童院直至7歲才離開，指有不少人對兒童院有誤解：「佢哋當咗兒童院係男童院，其實兒童院服務係幫助一啲有問題嘅家庭照顧小朋友，亦有係孤兒。」
他認為完整家庭不單止家庭成員，屋企以外的人都是家庭一分子：「我喺兒童院長大，兒童院都係我嘅家。」又說待囡囡Abigail長大會帶她回兒童院走走，讓她認識不同家庭背景下成長的小朋友。
