麥明詩孖父母出動連掃3單位？
「十優港姐」麥明詩近年不時被拍得和母親孖咇睇樓，昨日她被發現在屯門新盤的售樓處現身，並有消息指一口氣掃了三個單位。聲稱是哥哥首次買樓的她，以保障私隱為由，不置可否。
擁有「納米戶」的屯門新盤菁雋昨日早上發售344個單位，最細的單位實呎為128方呎，折實入場費只約173.8萬元起，故吸引大量買家入飛。近年頻頻被拍得出動睇樓的麥明詩昨日也現身售樓處，父母亦有同行。現場所見，三人表現緊張，不時和代理交談，有消息指一口氣買了三個單位。
聲稱兄長想買
曾說過暫時未有能力及需要買樓、即使結婚都可能要家人幫手置業的麥明詩，昨日回覆本報時，稱是哥哥麥明山想買，並說：「多謝關心！都係陪屋企人嚟。哥哥喺屯門醫院返工，呢個盤喺醫院旁邊，所以有興趣買，最後都係等哥哥決定啦！（係咪已經入票？）詳情唔講太多，尊重哥哥嘅私隱。希望佢一切順利，我哋一家人向來互相支持，因為知道上車都好困難。」
首次置業自住
對於市場消息指買了三個單位，麥明詩不置可否：「都係嗰句，我哥唔係公眾人物，係醫生，所以唔方便代佢答咁多，都想保障番佢（私隱），佢係第一次買樓，主要係同醫院近，係自住用途。」其兄麥明山2013年於香港中文大學醫學院畢業後，在屯門醫院當實習醫生，和麥明詩感情要好，曾現身妹妹主持的節目《#後生仔傾吓偈》，並大爆對方擇偶條件之一是不愛靚仔，又指對方整潔度低：「你睇佢架車就知，明明係五人車，但只係坐到一個人！」