林夏薇透視黑Bra現身 蕭正楠色膽包天照𥄫

透視上陣的林夏薇與新娘打扮的劉佩玥，相映成趣。

蕭正楠、林夏薇、劉佩玥、黎燕珊、李綺雯、吳沚默、楊埕等昨日為無綫新劇《十二傳說》宣傳，薇薇身穿透視裝現黑Bra，她認為並不性感，阿蕭被問到是否不敢直視？他說：「我識佢老公o架！唔會唔敢望。（咁洪永城都可以望你老婆黃翠如？）望咗我都唔知啦。（有投訴？）冇。（翠如會睇你套劇？）唔使叫都會，不過佢月底就同洪永城去澳洲拍節目。（會Check實老婆？）唔使，洪永城女朋友喺香港，佢點對翠如，我就點對佢女朋友囉！」

薇薇被問到老公是否怕鬼？阿蕭搶答：「講緊你唔化妝嗰陣呀！」她即時反擊指老公認為她素顏更美，場面惹笑。談到劇集拍罷一年多才播出，阿蕭指近日睇宣傳片段也覺得精彩：「好似劉佩玥着新娘裝咁，不過佢本身個樣已經好得人驚！同埋播完套劇，可以搞番個香港猛鬼地方旅行團。」

黎燕珊動用積蓄

而黎燕珊則透露參與劇中兩個單元，其中談及狐仙傳說。談到近日社會事件，黎燕珊表示工作也受影響：「係接少咗Job，有啲就延期，下個月先再做，其餘都係接洽中，所以要動用積蓄供個仔讀書。（好在你有儲備！）我從來都好穩陣，做好晒工夫，有啲嘢人算不如天算，係要適應環境。」

蕭正楠面對林夏薇着透視裝，表示識佢老公，照睇可也！

黎燕珊做嘢向來好穩陣。