入行十年的藝人楊潮凱月前約滿TVB，立即為音樂微電影擔任男主角、監製和劇本創作，早前獲攝影師邀請遠赴檳城六日拍攝寫真，剛為劇集增肥的他，要在廿幾日內由170磅減到144磅，壓力極大：「雖然未係最Fit，但真係問心無愧！」影相期間突然Mood到即場淋水濕身：「本書唔會賣弄肌肉，但明白肌肉、性感不能缺少，我幾鍾意嗰輯着住泳褲喺泳池嘅相，可能全男班關係，完全冇尷尬。」
