陳煒爆黃智賢輸身家！

陳煒認真好腳頭，新劇首播收視成為年度一線劇之冠。

黃智賢、陳煒、張達倫、簡淑兒、余思霆及朱敏瀚等昨午於將軍澳一間學校宣傳劇集《好日子》，與小學生一起玩遊戲，此劇首集錄得26.9點收視，成為年度一線劇首播之冠。

當年供女友讀書

陳煒透露劇情交代因誤會而搶槍射殺Ben，事後感到後悔。問到現實生活中可有後悔的事？Ben笑言：「十幾年前我哋冇好好合作囉！」陳煒即說：「當年同佢喺亞視拍咗幾套劇，佢係個好男人，當時仲供緊女朋友（現任太太）喺外國讀書，同埋我記得佢買股票蝕咗好多。」Ben聞言即說：「爆晒我啲秘密出嚟！（當時輸咗好多錢？）20幾萬啦，依家就轉買藍籌股，好過放喺銀行，交咗畀太太管數喇！（介紹筍盤畀陳煒？）佢喺我心目中永遠係冠軍級，好難喎！」

余思霆搵「老手」咀嘴

余思霆、簡淑兒因合作成好友，問余思霆會否為對方介紹男朋友，簡淑兒竟慨嘆：「做得呢行，仲講咩擇偶條件吖！」自爆以往曾因工作被男友投訴，成為分手導火線之一：「影張相、拖手拍戲都問點解。」余思霆笑言螢幕初吻已獻給伍富橋，如果可以「重來」的話，希望對手經驗豐富點，簡淑兒即提議：「不如李國麟啦！」余思霆說：「都可以。」

男女主角黃智賢（右起）、陳煒及張達倫手執波板一起「開波」？

余思霆（右）與簡淑兒合作後成為好友。