闊面陳爽Mia撈過無綫有後台撐腰？

49位候選佳麗昨日到將軍澳電視城進行《2019香港小姐競選》複試，並與傳媒見面。首輪大批騎呢參賽者都未能晉級，多位大熱佳麗則順利入圍，包括「瘦版湯洛雯」蔡嘉欣、「嫩版郭可盈」黃嘉雯（Carmaney）、「進擊版糖妹」Mina（楊慧敏）、高妹Katy（楊詠彤）、「章子怡師妹」姚羽嘉、「選美控」彭美詩及王菲等。

黃嘉雯同馮盈盈係Friend

其中幾位佳麗曾有多次選美經驗或識得「相關」人士，未知會否有着數！黃嘉雯及Mina原來都認識2016年冠軍馮盈盈，兩人一同穿上紅色裙孖住到場，講到雙雙獲盈盈大讚，黃嘉雯說：「多謝佢，同佢識咗好耐。（你係大熱入硬決賽？）希望係啦！」Mina則繼續識做派心心，講到盈盈指她才是港大校花，Mina謙虛說：「佢冇參加校際才藝比賽我先贏到，好彩啫！」對於被爆有「公主病」是否仇家多？她笑說：「係美麗嘅誤會。」

「進擊版糖妹」楊慧敏又擺晒甫士搶Fo，校花撒手鐧！	黃嘉雯原來與前冠軍馮盈盈係朋友，被睇好入圍。	姚羽嘉自言成熟咗，比去年更有氣質。

外形纖瘦、26歲「闊面陳爽」許嘉玉（Mia）曾於無綫做撰稿員，絕對是朝中有人好辦事！問到識人會否有着數？她沒有否認：「同大家一樣，咁我識綜藝節目嘅人係多啲。（識唔識無綫高層余詠珊？）我識佢，但佢唔識我，我哋之前喺節目見過。」

放大圖片	蔡嘉欣棄淘寶貨，點知又同Carley撞衫撞到應！	范莎莎第三度進入複選，講明落選就冇下次！

另一位熱門、本身是YouTuber的蔡嘉欣以「佛系」回應是否有信心：「順其自然！緣分來了，結果係點由佢。」對於被翻出舊泳衣照，被發現大腿外側有紋身但都能入圍，她說：「着泳衣嗰陣大家可以留意。（有好多黑材料？）有批評先有進步，我都係喺網絡浸淫咗好多年，慣咗呢啲黑新聞。」被指賣淘寶貨的她透露身上白色斜肩波浪連身裙並非購自淘寶，但竟與另外兩位參賽者吳玥彤（Carley）及陳熙蕊（Blossom）連環撞衫！

「選美控」彭美詩順利入圍複試。

張雯靠朋友妙手回春，變得Sharp醒。

姚羽嘉減肥備戰

至於去年有面試的姚羽嘉今年更Sharp醒及內斂，她說：「有過少少經驗，最近積極準備減肥。（今年拘謹咗？）成熟咗。（轉咗策略？）冇咩策略，可能少少緊張。」第三次殺入港姐複試的范莎莎經驗十足，她亦笑說：「上次面試時其他女仔有留意我唔係第一次選，都踴躍問我問題，我都好樂意同大家講。（你好豁達！）係呀！啲朋友話我第三次參選可能會畀記者寫衰，咁我都睇得開嘅。」

另外，上一輪毫不起眼的張雯（Alice）昨日變得Sharp醒，她解釋是化妝問題，今次改由朋友操刀；有Model經驗的王菲認同有優勢，但亦自覺身形太嬌小。