遺願葬荔枝樹下永伴祥哥
祥嫂遺願是安葬於永祥苑花園中一棵荔枝樹下，其身在美國的好友黃夏蕙受訪時表示：「舊年10月佢曾經同我透露過，話如果有日佢走咗，希望葬喺呢棵荔枝樹下面。佢一早搵咗呢個位，話好鍾意呢個位，覺得就算死咗都可以一直住喺永祥苑，同祥哥一齊。」當時她勸祥嫂不要亂說，惟對方續指若他朝不在人世，望好友公開她這個心願，直言：「永祥苑係我永遠嘅歸宿，係我同祥哥一齊嘅地方，我唔係講笑o架！」
黃夏蕙續指為健康着想，曾勸祥嫂搬離永祥苑：「因為嗰度附近有電纜，會影響佢身體，我勸佢不如搬去酒店住，但佢拒絕。佢好愛祥哥，話要同佢一齊。」並透露祥嫂曾花千萬裝修大宅，並種了不少樹，曾打算將永祥苑改建成祥哥展覽館或紀念館，讓戲迷緬懷他生前的輝煌事迹，又或拜祭偶像。