康城頒獎禮喜氣洋洋，但並非人人都開心，日前孖索模女友Hana Cross於競賽片首映紅地氈晒恩愛的碧咸（David Beckham）愛子布魯克林（Brooklyn），近日被爆與Hana於當地餐廳吵大鑊，兩人大吵大鬧，懶理旁人目光，女方更尖叫及爆喊，知情人士指：「佢哋飲咗幾杯之後嘈，兩個都後生，所有嘢都好激烈！」有指因布魯克林易呷醋而嘈交，女方當眾鬧爆男友，最後搞到保安出手調停兼分隔兩人，場面勁尷尬！
據悉碧咸兩公婆已知悉並非常擔心兒子，有指兩人鬧交後已互相道歉，Hana昨亦於社交網晒情侶合照，似乎已和好！