四太4代同堂 親子寫真幸福滿瀉

超欣與媽咪攬到實影寫真，十分溫馨。

身為好媽媽的賭王四太梁安琪，每年母親節都獲一班子女花盡心思慶祝，今年亦不例外，四名子女包括何超盈、何猷亨、何猷君與何超欣早前陪影親子寫真作為母親節禮物，而佗BB五個多月的超盈更由美國趕返港跟四太慶祝，昨日在社交網站晒出寫真照，認真有心。對於子女一番心意，四太相當滿意，更讚大女超盈孝順：「佢特登趕返嚟，校啱時間過母親節，雖然超盈有啲Jet Lag，但真係好有心思！」

在這輯的家庭寫真中，四太分別攬實子女頭貼頭合照，流露甜笑，幸福滿瀉。另一輯外拍寫真更有驚喜，一班子女齊齊換上牛仔裝型格登場，當中超盈穿上Sports Bra大晒白滑巨肚，超欣則谷胸兼騷美腿，非常養眼。超盈未婚夫Thomas（辛奇隆）亦驚喜現身，讓超盈挨向懷中，四太則輕撫超盈巨肚，又探頭細聽BB心跳聲，畫面溫馨。

四太與媽咪（右）錫晒佗B的超盈，四代同堂。	超欣谷胸上陣，與家姐哥哥鬥Chok！	四太摸着超盈的凸肚，整個構圖充滿愛！（黑白圖片）

宣布佗女 花名「荷包蛋」

除了大晒寫真，超盈「加碼」宣布佗B女「贈興」，並透露囡囡花名叫「荷包蛋」：「今年是作為準母親過的第一年母親節，希望荷包蛋會在一個甜甜蜜有愛的家庭成長。媽媽最希望就係可以四代同堂，今日終於可實現了。」並指經歷懷孕後更能明白做母親的偉大。