同嘉穎爭仔抱 陳凱琳唔急再做媽咪
藝人陳凱琳（Grace）榮升人母後首過母親節，昨日以低胸打扮現身商場活動，並在台上分享湊BB點滴，讚老公鄭嘉穎幫得手，讓她有時間休息：「佢掃風最叻！我就鍾意幫BB沖涼，分工合作。」Grace坦言現時一踏出家門已掛住BB，故活動後便會趕回家，問到兩公婆可有爭抱BB？她笑說：「有呀！我哋會互相話對方抱咗20分鐘，應該輪到我抱！（追多個唔使爭？）遲啲啦，一個已經好多嘢學，等到佢1歲多啲先考慮。（湊個『好』字？）冇所謂，順其自然啦！」
另外，嘉穎昨日發文多謝生命中最重要的兩位母親，分別是太太及媽咪，又分享母親年輕時的照片，不少網友讚嘉穎媽媽是大美人，更與新抱仔Grace勁似樣。