蔡少芬開心到癲咗

信奉基督教的朱茵，圈中人緣甚廣，喜訊傳出後，紛紛獲其他藝人送上無限祝福，而她一班好姊妹如蔡少芬、陳法蓉、梁小冰等，當然更興奮非常。

正忙於拍攝新劇《金枝慾孽貳》的蔡少芬，昨日接受電話訪問時，起初以尚未接獲消息為由，不願多談半點，未幾伊人再次回電，還帶着一把興奮的聲音說：「我依家開心到癲咗，恭喜晒佢哋吖！」

吳鎮宇則說：「咁咪好囉！係開心事，佢喺微博講梗係『晒』啦！（有咩心得？）最緊要係餵飽個仔，母乳係媽媽同BB互動時間，所以係必須，同埋要信老人家講嘅嘢，因為佢哋經歷過有經驗。」

田蕊妮說：「恭喜晒佢哋，我喺微博睇到佢哋張相，影得好靚，睇到好有愛、好感動，Paul同朱茵都係我偶像，尤其係阿Paul，我好相信佢哋會好好。」