JW大整蠱嚇窒老師
歌手陳柏宇（Jason）、王灝兒（JW）、許靖韻及樂隊Dusty Bottle到跑馬地瑪利曼中學出席音樂活動，重返母校的JW表示再上舞台有很多回憶：「讀中學嗰陣成日參加歌唱比賽同音樂劇，表演欲都強，甚至演講比賽都有參加，依家做歌手都因為中學嘅培養。（有冇咩難忘事？）好多，我好鍾意上堂講嘢。（算奀皮？）都唔算，最多係愚人節成班人整蠱老師，一齊匿埋再突然出嚟嚇佢，不過唔會好過分，我哋啲老師都好玩得。」
至於Jason表示經常出席校園騷，問到有否趁機認識一些校長以便9個月大女兒將來搵學校？他笑言不會這樣做，計劃女兒在港讀書一段時間後，就送她到外國留學，問會否到當地跟着女兒？他笑說：「除非我發到豬頭咁，否則都要做，可能返兩個月工，放一個月假。」他表示跟太太暫時都不太着緊女兒讀書，現時先培育她社交能力方面。