溫碧霞碌落樓梯受傷

女星溫碧霞、胡曦文、名媛何倍倩等昨晚出席活動，溫碧霞自爆前日拍電影時不幸受傷，現時腰部仍有少許痛：「嗰場戲講我着住高踭鞋落四、五級樓梯，但唔小心跌落嚟，碌咗三、四級，好在有人扶住我，不過腰、手同腳撞瘀咗。（保護塊面先？）都有，完全唔知道痛，我堅持繼續拍，工作人員話我好硬淨。」她表示老公何祖光有慰問，更細心幫她捽跌打藥膏，但因工作太忙，要母親節過後才去睇醫生。