薛世恒證前妻法拉再婚：希望佢幸福！
昨日本報率先爆出藝人陳法拉再婚的消息，即將與拍拖三年的法籍男友Emmanuel Straschnov在法國結婚，法拉昨日揚言有好消息會跟大家分享，貫徹低調作風，前夫薛世恒則證實早知道她再婚。
現年37歲的陳法拉過往對感情事低調，2007年她與Neway太子爺薛世恒拍拖，其後秘婚直至2013年離婚，女方都一直守口如瓶。2016年，她與現任男友Emmanuel Straschnov拍拖，戀情亦於半年後才曝光，故她與男友於法國結婚亦選擇秘密進行，不會大事鋪張，昨日她回覆時說：「我剛剛落機，多謝大家關心。我明天不是結婚，日後有好消息一定會跟大家分享。」不過，原來她準備再婚時，已一早通知前夫薛世恒。
互相慰問支持
昨日薛世恒承認早知道前妻再婚，其實兩人當年和平分手，能夠做到再見亦是朋友，多年來保持聯絡，不時傳訊息互相慰問和支持，他說：「佢有同我講，我都希望見到佢幸福，戥佢開心。（法拉今個月同你講？）差唔多，佢話唔想我睇到報道先知，所以有同我講。（呢幾日結婚？）係大概呢個時候。（喺法國結婚？）唔清楚。（法拉都好Care你嘅感受？）都係，大家都會Update自己狀況。」他表示不會送禮，覺得無需要，結婚是開心事，送上祝福已很足夠，並稱不認識法拉的男友，也不會出席婚禮。