視后田蕊妮前晚現身電視城錄影節目《娛樂大家》，談到節目內要玩遊戲，她說：「我容易被騙，花名叫『阿豬』，但如果朋友笑我笑得耐會嬲，又唔會嬲好耐。」近期忙宣傳新歌的她，母親節前夕借用張敬軒的餐廳，與粉絲舉行抱抱會：「名額已滿，歡迎佢哋帶同媽媽着靚靚咁出席，會畀機會佢哋分享同母親最難忘及感動嘅事。我都好眼淺，驚到時會喊。」
