藝人楊明、蔡思貝及張達倫在無綫《機動部隊2019》中飾演PTU，除了有不少動作場面外，更親身經歷胡椒噴霧兜臉噴，原本監製最初表示可用道具代替，但他們相當認真，想知道真實感覺，故嘗試了一次真實體驗。
楊明與張達倫拍攝完齊齊用大水喉洗眼、洗面，思貝都不例外，沖眼時她想要毛巾，但工作人員表示不可抹眼，要一路用水沖兼要擘大對眼，搞到思貝沖到呀呀聲，聽到都覺得對眼好刺痛，思貝說：「真係好痛，成個人麻痹、癱瘓咗咁，真係好似金剛箍箍到最緊咁，結果嗰晚我入咗醫院，因為幾個鐘後眼淚仲係不停流，對眼仲係紅到殭屍咁，好辛苦。」