藝人薛家燕下月舉行澳門演唱會，昨日到六福珠寶試戴千萬首飾，她說：「有Part我要着龍袍似『女王登基』，所以啲金要重啲，但我嫌唔夠，叫佢哋畀多啲金牌同金豬！」講到身上首飾價值過千萬，即是成層樓在身，她坦言：「佢哋一定要買保險，唔好畀咁大壓力我！同埋呢Part唔可以握手，試過有次差啲畀Fans整咗隻戒指出嚟！」
另外，提到有指其好拍檔黎小田肺炎入院，她說：「佢之前有啲感冒，後尾唔舒服，我知佢入咗醫院Check，都有去探佢，佢出咗院，應該冇乜嘢。」
