欣宜床戰鄧健泓超激！
藝人何珮瑜（Jeana）、雨僑及連詩雅等，昨日性感上陣在蘭桂坊宣傳網劇《性敢中環》。Jeana與雨僑拍過不少夜蒲作品，現實中卻少有「出動」，最多只是相約到欣宜家中飲酒，最愛夜蒲的反而是晚晚仆住去蒲的欣宜！
問到劇中可有激情演出？Jeana笑說：「最激係食血鴨，性感就冇喇，同栢天男有咀戲，佢真係好似金城武！」人妻雨僑笑指也有咀戲，事前要向老公羅力威備案，又說：「就算依家去玩都會帶埋老公，同埋以前我哋去蘭桂坊其實都係同啲導演去，係去做Research，熟習吓環境。蘭桂坊對我哋嚟講唔係玩嘅地方，都係去做嘢。」至於欣宜透露有大膽演出，笑說：「有大膽嘅床戲、激情戲，不過只係意識上大膽，好彩對手係鄧健泓，變咗唔尷尬。」
