舊愛金剛有新歡 蕊蕊：佢開心過之前

藝人蕊蕊、張達明及唐貝詩昨日出席表演藝術學校開幕活動，對於舊愛金剛有新戀情，蕊蕊說：「佢開心過之前，都幾好。（同你一齊唔開心？）嗰時佢工作上有唔開心，同埋好多因素，大家有嗌交。依家見佢開心，都祝福佢哋。（佢女友身材好。）係，身材好正。（驚比較？）冇得比，大家唔同類型，佢係台灣辣妹，我依家都少咗性感，想大家留意我工作。」