莫家淦 細仔腳頭好搵銀冇停手
無綫藝人莫家淦（Keith）與太太育有大仔莫朗翹，早前他宣布太太再佗B仔，預產期為6月。雖然B仔尚未出世，但已經腳頭勁旺，原本在處境劇《愛．回家之開心速遞》演「王朝」而廣為人識的Keith，再連踩5套劇，包括《唐人街》、《大醬園》、《極道怪咖》、《降魔的2.0》及將開拍的新劇，又做幕後籌備新歌，加上登台商演接不停，認真「父憑子貴」。
希望順產
日前Keith「一家四口」影大肚家庭寫真，見他攬實太太及錫巨肚，囝囝則在旁擺趣怪甫士，相當溫馨。Keith笑言雖然上次亦有與老婆影大肚寫真，但今次大仔加入是一大考驗：「每次我想同老婆影合照嗰陣，阿仔都會嚟搞住晒，又要扮超人、又唔畀我錫媽咪，所以最後係佢錫媽咪，我就錫BB。」
他又稱太太上胎剖腹分娩，希望今次能夠順產：「今胎BB轉身後，胎位高咗會頂住太太，所以辛苦晒佢。呢段時間我幾忙都好，會盡量抽時間照顧佢同大仔，幫手分擔家頭細務。」
