洪卓立情傷難愈：唔知應該點做！

洪卓立憶述當初因病停工兩年再復出，受盡白眼。

入行多年的洪卓立因歌曲《彌敦道》唱到街知巷聞，成為慘歌代言人！日前他接受東網節目《娛場》訪問，指2009年經歷爆肺兼肺積水，一度瀕臨生死邊緣，不但要停工休養兩年，復工後亦體會到人情冷暖：「見番好多以前好熟嘅人，但未必再熟悉或者變得陌生，有啲連招呼都唔打，所以開頭都有啲唔開心，但慢慢將佢變成一個動力。我會諗如果你係咁勢利，咁我都冇所謂，希望有一日你會主動返嚟同我打招呼。」

提早續約儲錢買樓

去年與拍拖11年的女友湯怡分手，令不少粉絲大感可惜！近日洪卓立推出的新歌亦講分手，他笑言人生如戲，很多事情預計不到：「好多事情本來計劃好，但突然之間冇晒，而你係唔知道應該點做，全部都係靠自己同靠時間去忘記。」

洪卓立對舊愛湯怡似乎仍未忘情。

洪卓立昨日宣傳新歌時，慨嘆人生中有很多計劃都未能如願。

此外，昨日他到電台宣傳新歌，問到可是其心聲？他表示：「係大家都會經歷嘅事情，都有朋友講緊結婚但結唔成，好多計劃都未必實行到。」又宣布與英皇提早續約，望可盡快儲夠錢買樓。

https://bit.ly/2Zs9PL5