樂瞳子宮生瘤憂影響生育

去年中確診患上子宮內膜異位症（俗稱朱古力瘤）的樂瞳，昨日出席活動分享患病心聲，自爆該瘤有2.8cm大：「醫生話可以唔使做手術住，依家係觀察期，隔幾個月定期返去覆診。（最嚴重可以導致不育會擔心？）當然！老人家恨抱孫，我自己都想生，但唔會係依家。雖然醫生話個瘤同BB可以共存，但自己唔想。」並呼籲有經痛的女性要正視問題，有需要及早求醫。