閃爆阿佘：鍾意速度感
佘詩曼（阿佘）以閃爆連身裙配以白色長靴，一身女車手造型行紅地氈，襯絕《狂電派》有「閃電發光」的意思！駕車技術以「辣」見稱的她讚揚表演者的亡命演出非常專業，問到曾因揸得太快遇意外，她尷尬笑說：「OK啦！我鍾意揸車嘅速度感，但香港有好多『影快相』，所以都唔敢咁快。（試過被扣分？）試過一次。」又自爆幾年前獲錢嘉樂邀玩賽車，但講電話時被佘媽偷聽：「媽咪唔准我玩！其實我都好想試吓，又怕自己太盡力會好危險。」
工作方面，問到有機會憑參演的電影《棟篤特工》入圍金像獎角逐影后，阿佘坦言若能入圍已好開心。對於曾合作《延禧攻略》的吳謹言被評「戲屎」？她即撐對方：「點解咁講呀？佢係好努力嘅演員，佢始終仲幼嫩，畀時間同空間佢，始終演戲係需要經驗累積。」
