冬菇頭許芯悅趴低擺甫

藝人許芯悅（Katie）由演員、直播主持再到做歌手，形象一直清純可愛，飄逸長髮俘虜大批宅男，但原來小時候的她外形甚似男仔，被家人剪了一個冬菇頭，猶如小丸子，她說：「佢哋幫我剪到好短，方便洗頭，去到中學先開始留長頭髮。性格方面以前比依家更文靜內向，但我睇番啲相，原來都識擺甫士喎！又坐又趴又識畀V，分分鐘叻過依家添！」Katie自小最愛的卡通人物是米奇老鼠，一定要攬住公仔瞓：「就算有鼻敏感都要攬住，咁先瞓得着，去到中學先搣甩啲公仔。」她又指兒時是跟祖父母、堂姐、堂兄及堂弟同住，經常一起玩耍，有不少開心回憶。