鄧洢玲哭牆許願尋心靈伴侶

中東風情

阿旦早前獲護膚品牌邀請，飛到以色列感受不一樣的風情，順道遊覽名勝古蹟，當然少不了參觀祈禱聖地「哭牆」：「好似許願樹咁，可以向佢誠心許願，寫低願望紙再攝落牆就得。」阿旦除了祈求家人和狗狗身體健康外，亦寫下：「遇到懂我、錫我、包容我嘅Soulmate（心靈伴侶）。」

與駝同樂

前面是死海，背後就是沙漠，阿旦把握機會試騎駱駝，她說：「佢跪低畀我上去，到佢企起身先發現佢係勁高，我本身已經細粒，即時自覺好渺小。」她大讚駱駝得意和有靈性，而且很調皮：「同佢影相佢會望鏡頭，我用個頭挨落佢度，又托佢下巴，佢又肯同我玩喎！」

阿旦向着哭牆許願，望找得如意郎君。	騎上駝背，嬌小的阿旦竟畏高起來。	阿旦無懼駱駝這頭龐然大物，竟然玩得很投入。

樂而忘返

既發過思古之幽情，又見識過聖城之古樸，到了五天行程的最後一日，阿旦在市中心閒逛之餘，還在沿海位置拍照留倩影，樂而忘返，差點捨不得離開呢！

放大圖片	面對海天一色的景致，甚麼煩惱也拋諸腦後。	商店售賣充滿中東特色的物品。

古城滄桑

以色列充滿歷史色彩，阿旦遊覽了多個名勝古蹟，她說：「有去耶路撒冷嘅景點，我冇宗教信仰，但見到咁莊嚴嘅教堂、聖殿，可以洗滌心靈，始終係幾千年嘅文化遺迹，仲見到一望無際嘅風景，好靚。」她指教堂外的城牆還遺留了子彈洞的痕迹，令人感觸這名城的滄桑故事。

古舊建築就像一部歷史書，承載着千年故事。	教堂外牆見證子彈橫飛的亂象。	阿旦沒份駕駛越野車，只好坐上司機位滿足一下。

越野咖啡

阿旦走進森林玩越野車，她說：「我哋一行十幾人，一支車隊咁揸越野車入去，沿途我負責拍片同影相，所以冇揸到車，但都好開心，同埋幾驚喜，玩嘅時候沙塵滾滾，同埋沿途有樹枝、水氹，加埋幾有Feel。」當入到森林中心，阿旦歎了杯熱咖啡：「如果係冬天去，係別有一番風味嘅，但當日去到42度，仲要飲一杯熱咖啡，又唔好意思唔飲，就咁試咗當地嘅阿拉伯熱咖啡，完全由外到內熱出嚟。」