「高球女神」歐詠珊男仔頭誘人吼
身形Fit爆的「高球女神」模特兒歐詠珊（Janice），坦言喜歡打高爾夫球全因可接觸大自然，而且揮桿時能將所有不快揮走。未知是否打高球的關係，Janice擁有22吋小蠻腰，無論擺任何甫士都Fit爆零贅肉。她笑說：「我食好多嘢o架！食自助餐永遠係食到最後嗰個，但條腰都唔會點粗，不過下身就偏有肉，所以唔可以懶，晚晚做瑜伽拉筋。其實有一輪我都多咗鬼祟肉，全靠做番運動去減。」
唔怕「醜」闖影壇
去年跟姊妹歐詠怡及歐詠寶出寫真，甚受歡迎，今年三女分開發展，Janice嘗試拍戲，有機會拍導演杜琪峯的電影，飾演拳賽Ring Girl並到廣州取景，她表示過程難忘：「學咗好多嘢，最新鮮係要戴一個藍色假髮，造型好靚，不過就『噏』到成頭汗。（使唔使性感？）都唔算，只係低胸裙。（性感尺度？）感覺健康就OK，底線係三點式。」談吐溫文的Janice直言想顛覆形象，戴假哨牙、化「癦屎妝」扮醜角拍喜劇，又自爆私下相當男仔頭：「我平時係打坐咁坐，見到啲大梯級又照跳過去，又唔怕污糟，都有少少不修邊幅，每次拍拖我好快展示真嘅一面，唔會呃住對方，但一般男仔都鍾意我咁Man嘅性格，覺得我唔造作又冇所謂。」
Profile
身高：1米63
三圍：32C、22、33
興趣：瑜伽、高爾夫球、旅行