李佳芯放聲氣「嫁」期唔想太遲

李佳芯

Ali和連詩雅（Shiga）與Fans玩遊戲，有男Fans跪地向Ali情深說：「Ali BB，你知唔知我好鍾意你，好似劇入面希望同你生個女，一生一世，永結同心。」事後問到男友陳炳銓可有說過類似的話？她說：「男友都唔講呢啲嘢嘅。（如果佢咁求婚係咪即刻答應？）唔需要搞太多嘢，正常簡簡單單就得喇！唔使跪地又唱歌、一班人走出嚟又跳舞咁，我會招架唔到！（咁你有乜要求？）只要畀我知係求婚就得。」

提到鄭嘉穎和陳凱琳結婚，Ali替對方開心，更似暗示男友要「Action」：「睇吓有冇呢個福氣，其實我都遲啦，希望唔好太遲，但我都工作行先嘅。」談及曾在劇集《誇世代》合作的余德丞昏迷後初步甦醒，她說：「佢係Happy Boy，係好擔心，我只可以盡量做啲嘢去幫助佢，例如食素。」

連詩雅被男Fans要求「照顧」

至於Shiga同樣被求婚，最搞笑是男Fans叫她照顧他一生一世，Shiga忍不住笑說：「盡量啦！」事後問她可接受要照顧男人？她指若對方突然失業或經濟困難，她都願意共渡難關。

李佳芯獲粉絲即場示愛求婚。

連詩雅為男粉絲的「告白」笑到捧腹。