李麗珊為新碟搞百日宴

歌手李麗珊（Lisa）昨日宣傳新Hifi碟，對於新碟反應很好，她表示超開心：「今次反應係好明顯，可能大家都鍾意粉紅色嘅新碟封面，所以近期我都成日着粉紅色衫，希望大家見到粉紅色就會諗起我。」她又笑言有意為新碟搞「百日宴」：「就係出碟後100日搞個慶功宴，上次都有搞，希望今次都可以，因為今次成績仲好。（諗住點樣報答同事？）會請佢哋食飯。（開音樂會？）百日宴就係喇，到時都會唱歌，多謝啲歌迷到依家仲會買碟支持。」