鄺潔楹腳短揀高腰款婚紗

藝人鄺潔楹昨日穿上多套低胸婚紗，為婚紗展行Catwalk，她坦言事前很緊張：「我着咗7吋高跟鞋，驚跌，事前冇節食，不過上星期日日都有做運動。」她笑言首次行婚紗騷，覺得很感動，但對結婚沒有憧憬：「真係幾辛苦，好多嘢煩，我頭先上網睇點Set頭，同事以為我要閃婚。」她又稱喜歡魚尾裙款式的婚紗，但不喜歡短裙：「咁咪凸顯咗我嘅短腿！最緊要高腰。」
鄺潔楹穿低胸婚紗，盡顯美好身形。
鄺潔楹穿低胸婚紗，盡顯美好身形。

問到現時有沒有男友？鄺潔楹笑言：「依家十劃都有一撇，仲差九撇叫佢努力啲。（有人追？）係呀，了解中，係圈外人。媽咪教我做女仔要有矜持，咁樣先可以食住個男仔。」

鄺潔楹換上另一套婚紗行騷。
  • 鄺潔楹換上另一套婚紗行騷。