陳志雲偏幫謝安琪遭方逸華訓話

謝安琪（Kay）前晚擔任陳志雲的演嘢會嘉賓，志雲大爆當年在無綫工作時，雖然Kay未算紅，但他很喜歡對方，經常為她爭取演出機會，但就被方逸華鬧。他於慶功宴上表示：「方小姐問點解成日都係呢個女仔，後來我搵張繼聰做其中一輯《味分天下》，方小姐就話淨係得佢兩公婆會做？」
志雲（右）爆古巨基恨做老竇。
志雲（右）爆古巨基恨做老竇。

當晚另一位嘉賓是古巨基，志雲直指對方恨生B：「佢應該就快生得，因為上次佢喺紅館意外跌落大窿後，太太Lorraine睇到佢屁股有妊娠紋。」基仔即糾正是橙皮紋，志雲搞笑說：「都係妊娠紋嘅一種，所以就有得生！」基仔聞言：「承你貴言。」完場時，他重申很愛無綫，在騷內寸無綫只為得啖笑。

謝安琪與志雲交情非淺。
  • 謝安琪與志雲交情非淺。