陳家樂包場睇戲孖粉絲一齊喊

近期連續接拍多套新戲的陳家樂，早前錯過了主演電影《兄弟班》首映禮，他忽發奇想，邀請粉絲報名，拉隊到戲院包場睇戲。他感動表示：「入行咁耐都未試過搞呢啲聚會，本來以為有50人參加都算多，點知第一日已滿額，於是臨急臨忙轉場，租用一間可以容納百幾人嘅影院，真係座無虛席，只係剩番最前嗰行，我咪自己坐囉。」家樂表示與粉絲睇戲的感覺不一樣：「佢哋反應好大，會同你一齊笑、一齊喊，係真心支持。」日前他又與《兄》片其他演員到旺角街頭快閃宣傳，豈料唱完第一首歌已被人海包圍，工作人員即安排他們急急離開。