林昕雨向何紫綸道歉承諾賠償
黃夏蕙契女林昕雨（Eva）昨日穿上低胸婚紗出席「香港婚紗暨結婚用品博覽」。提到「食兩家茶禮」一事，同時參加《香港小姐》和《亞洲太平洋國際小姐》，令《亞》佳麗導師及形象指導何紫綸憤怒，Eva表示已向主辦單位提出解決方案：「依家收咗律師信，我亦有向佢哋提出道歉聲明同賠償。（賠償幾多？）係合理數字，唔方便透露咁多。但我都收到律師通知，佢哋接受咗我呢個提出，感謝佢哋咁寬宏大量。（有冇親自同何紫綸道歉？）我有私下Message佢，但未有回覆。」
問到當初為何參加兩個選美？她說：「最初唔知簽嘅係經理人合約。（你冇睇過合約條款？）因為我好心急、好興奮，冇睇清同記得啲條款，諗住港姐會多啲人識，想快啲有知名度，幫到人。」又自言因此失眠多天。
此外，Eva前晚出席慈善活動時，獲同場的契媽黃夏蕙力撐，指會在金錢及精神上全面支援。