藝人吳日言（Yan）早前默認有喜，昨日在社交網留言，正式宣布將為人母：「經歷了一輪忐忑、情緒起伏，現在心情尚算輕鬆，不過偶爾會忟忟憎憎，希望唔好生舊忟薑啦，所以要辛苦枕邊人氹我笑多啲。」並透露預產期是12月初，暫時未知胎兒性別。她又分享佗B初期的心情，坦言又擔心又焦慮：「覺得自己好似乜都做唔到，淨係喺屋企，好攰又好冇朝氣，又唔敢亂郁，好唔慣呢個轉變。」同時自爆食不停口，笑言已肥了10磅：「都驚驚哋之後點樣喼弗，依家盡量食啲健康、唔係太肥膩嘅嘢。」
另外，懷有第四胎的名媛楊張新悅已懷孕37周，她上載比堅尼照留言：「相信我一世再也不會有那麼大的肚，紀念一次吧！ 」