Starry精叻鸚鵡扮聲學公公

現年10歲的童星蜜棗棗（Starry）指「芝芝」本來由公公飼養，公公兩年前去世後，改由她和媽媽照顧。雖然「芝芝」自小跟隨公公，但經過兩年相處，Starry和牠已建立了深厚感情，更成功訓練「芝芝」學會新技能：「公公之前好怕佢飛走，會搵個籠困住佢，所以『芝芝』飛得冇咁好，我哋放佢出嚟，佢就會不停撞牆。之後我哋日日放佢出嚟飛，佢就愈練愈好，依家飛得好好，仲識跟我指令飛嚟身邊！」

「恭喜發財」、「身體健康」

Starry母女非常愛錫「芝芝」，而「芝芝」亦非常乖巧，更不時模仿公公的語氣說話，令Starry與母親可以藉此緬懷公公，Starry說：「公公教『芝芝』講好多嘢，好似『恭喜發財』、『身體健康』等等。『芝芝』會學咗公公嘅語氣，雖然依家公公唔係同我哋一齊，但『芝芝』講嘢令到我哋成日都諗起佢。」

見到有薯片，「芝芝」即刻飛去Starry身邊！	「芝芝」口痕就會咬紙。	Starry為「芝芝」打造私人空間。

掛住你！出口術撩女仔

「芝芝」是雄性灰鸚鵡，性格乖巧聽話，今年已經17歲，但Starry指鸚鵡壽命可長達50年，笑指「芝芝」非常年輕！她又指「芝芝」是撩妹高手，懂得說「掛住你」、「好乖」等甜言蜜語，又會主動獻吻，氹得Starry非常開心！

《巨星Pet Pet》每集均請來不同藝人分享與「萌寵」相處之道，包括傅穎、廖碧兒、羅敏莊、李旻芳及胡琳等，寵物包括貓、狗、龜等各式各樣。節目在東網App及東網網頁免費播放，讀者可隨時隨地收看及重溫。

https://bit.ly/2Mhc11g