經歷過亞視熄機前冇糧出的藝人蔡國威，特別知慳識儉，最近再發揮慳家本色，用16元炮製增肌減肥餐，慳錢又多營養，有好嘢即時分享畀大家！由於他稍後將投入拍無綫新劇，又因新冠肺炎受控下，六合彩將於月底重開，有「六合彩之子」之稱的他，為出鏡開始密密操Fit，親到街市買餸下廚，片中他說：「喺街市買10蚊4份菜，可以分4餐食，12蚊10隻雞蛋，再加埋早排我喺凍肉舖買咗啲雞柳，三樣加埋平均每餐16蚊，我會烚、蒸，炮製我嘅增肌減肥餐，掂呀！」
