劉晨芝Big爆出海肌男打孖上
藝人劉晨芝（Adrienne）向來熱愛水上活動，近日她相約一班好友出海遊船河，享受陽光。穿上黑色性感泳衣的她，擺出不同靚甫，將其Big爆上圍表露無遺，十分吸睛！其中見她與兩名外籍男士合照，似乎玩得非常開心！她接受本報訪問時說：「天氣熱，所以同一班朋友遊船河，同我合照嘅兩位外籍男士係我嘅Model朋友，佢哋有六舊腹肌，梗係要一齊合照，有朋友睇到相問我係咪鍾意外國人，我話唔係，我鍾意亞洲男人。」
另外，Adrienne近來忙於打碟工作，近日她為新的DJ工作拍攝了一輯新相，其中一張見她以比堅尼示人，但由於泳衣不合身，更出現「漏奶」情況，認真性感誘人！她笑說：「冇諗過咁，因為比堅尼唔啱着，一着漏晒啲肉出嚟，但形象指導睇過話覺得OK，希望唔好嚇親大家。」
