洪永城搵命博同翠如開火
藝人洪永城昨日出席旅遊品牌活動，他表示正籌備與黃翠如到亞洲做一星期以露營為主題的旅遊節目。問到會否擔心與翠如再鬧交？他說：「唔驚，係一定會，可能鬧交變成默契，愈鬧愈有火花。」又指拍節目應該去到盡，去最危險的地方、企最靚的位置才好看。被問到帶翠如去危險地方，不怕被其男友蕭正楠鬧嗎？洪永城說：「我有叫佢哋買定保險，受益人寫蕭正楠，希望減低佢嘅憂慮。（你受益人寫邊個？）仲搵緊喺邊度，當然會寫屋企人。」
談及舊愛唐詩詠昨日生日，會否跟她慶祝？他說：「你都識講舊愛，應該會傳短訊畀佢。（食飯？）可能同大班朋友。」此外，洪永城昨日上載與梁嘉琪、陸浩明、衛志豪等有線舊同事聚會的照片上網，衛志豪爆翠如甩底，笑她是「飛機如」。