子女做車手張繼聰貼身護駕

張繼聰最近迷上玩復古電單車，早前孖住森美、張振朗等齊齊出車晒冷，日前他更訓練子女玩埋一份。他在社交網上載短片，見他為小朋友準備了兩部兒童電動車，兩兄妹在屋苑內遊車河，而張繼聰則化身保母全程傍實女兒，相當溫馨。張繼聰留言說：「慢得嚟有速度感，安全得嚟車手表示有感覺。爸爸表示好開心，同埋行到成身汗。」而好友Dear Jane主音Tim亦有留言指其囡囡同樣有「車」，提議兩家人一同遊車河。