與蘇永康落台冧觀眾 梁漢文擒圍欄膊頭當櫈坐

梁漢文（右）與蘇永康拍住上吸金，有錢齊齊搵！

歌酬除少兩份好開心

Edmond在台上獨唱時說：「今晚幾爽喎，冇咗嗰兩隻嘢（許志安、張衞健），平時有BIG FOUR係就係好熱鬧，不過歌酬要除四，但係今次除二喎！好開心喎！」阿公和觀眾互動時即興將戒指送給一對長者夫婦，並着老伯伯為太太戴上，還開心大叫「禮成」！他又邀請粉絲上台合唱，竟然揀中專程捧場的香港歌手陳逸璇（Jolie），他搞笑說：「好少見啲粉絲咁靚女，唔理佢唱得好唔好聽，最緊要好睇咗先。」

囝囝同行瞓着咗

Edmond在騷後受訪時說，曾跟BIG FOUR及男人幫在同一場地開騷，這晚只有阿公相伴難免有點唏噓，但酬勞卻相當和味，阿公亦贊成兩人多合作。至於BIG FOUR及男人幫兩個組合何時再復合？阿公表示隨緣。另外，阿公的太太及兒子Jazz都有同行，不過Jazz期間睡着了：「今次佢有出過台邊一陣，希望下次佢可以坐喺台下睇爸爸唱歌，囝囝好鍾意聽啲節拍強勁嘅歌。」

梁漢文企喺圍欄上與觀眾打招呼，保安人員攬實他以策安全。

囝囝瞓着咗，蘇永康唔敢打擾！

文：音樂組