Channing「光豬」變番「光棍」結束9年婚姻

Channing與Jenna分別在Facebook及Instagram宣布離婚，二人在聲明中強調分開的決定與任何醜聞或秘密無關：「我哋充滿住愛咁選擇分開唔再一齊，我哋好多年前墮入愛河，一齊有過一段奇妙旅程，絕對冇嘢改變我哋對對方嘅愛，但愛係一個美麗嘅歷險，現正帶住我哋去唔同嘅路途。我哋嘅決定中冇秘密或者醜聞，只係兩個好朋友發現係時候有啲空間，幫對方過一個最喜樂同充實嘅人生。」由於二人平日不時在人前晒恩愛，因此「分訊」令不少粉絲相當震驚！有粉絲留言：「好傷心聽到呢個消息，我仲以為佢哋會永遠喺埋一齊，我諗喺荷里活冇嘢可以永恒！」

拍戲撻着 育有一女

二人亦有提到4歲的女兒Everly：「我哋仍然係一個家庭，永遠都係Everly嘅盡責父母。」並表明不會再就離婚一事發言，希望外界尊重他們的私穩。

曾獲美國雜誌《People》選為全球最性感男士的Channing，與Jenna在2006年因合作拍攝舞蹈勵志片《舞出真我》（Step-Up）戲假情真撻着，於2009年7月結婚，二人最後一次一同出席公開場合是去年11月，但其後仍不時在社交網站上載恩愛合照。兩星期前，二人亦於社交網分享合照，但最終都是宣布分開收場。

文：外娛組