河國榮圓夢請周潤發睇騷

藝人河國榮將於5月底在九展舉行首個音樂會，昨日舉行記者會獲好友唐文龍、J.Arie（雷深如）、譚玉瑛等到場支持。河國榮表示1987年5月31日來港發展是因為想唱廣東歌，但一直拍劇沒有機會，今年是來港31年，覺得是適當時候開騷。他坦言想邀周潤發（發哥）來睇騷：「因為10年前我同發哥去墨西哥拍戲，我做佢嘅英文導師，佢知我鍾意唱歌同做戲，就鼓勵我繼續追夢。」又笑言想請已故巨星張國榮及陳百強來睇騷：「可能佢哋一直都喺度呢！」