森美凸點鼓吹「起釘」行動
藝人森美月初剛以領隊身份帶團，前往日本四國的德島縣四天遊，他表示將唯一的助手名額給予太太，但她同行卻沒有履行助手的職責：「反過嚟要我幫佢拎行李、照顧佢。咁成團人食完晚飯返房，有太太喺度就冇咁寂寞嘅。（成功造人？）佢呃我喇，日日都話攰！講笑啫，兩個已經夠。」
日前森美上載了一張健身騷肌照，被網民指他「凸點飛釘」，最啱做胸圍代言人，他笑言自細都有「飛釘」問題：「我身體構造異於常人，查過資料，發現乳頭其實對男性冇實際用途，但早在胚胎未定性別前已存在，所以對男士嚟講乳頭係可以切除，我要發起『起釘』大行動，勁過大耳窿！」