擁有玲瓏浮凸身材嘅模特兒，總係輕易獲得男士嘅注意，若然配合埋美貌嘅話，想成為人氣模特兒更係輕而易舉。不過對於南韓人氣模特兒李藝彬嚟講，卻認為咁諗未免太過膚淺，事關當中仲有好多竅門，先至可以喺業界獲得穩如泰山嘅地位。
究竟模特兒嘅竅門係乜嘢呢？喺好多人心目中，想成為人氣模特兒只需要有樣有身材，同埋喺適當嘅時候展現天賦本錢就得。不過對李藝彬嚟講，卻有另一種睇法，佢認為要成為一位人氣模特兒，外形固然重要，但係咁只能夠換嚟一時嘅人氣，若然想喺模特兒界站穩陣腳，就要展現出個人特色，而藝彬嘅特色就係夠親切。為咗保持親切形象，藝彬有別一般模特兒咁不斷轉換新形象，反而以一貫嘅造型示人，正因為咁，唔少商品及團體總會第一時間諗起佢，搵佢演出活動。
畢業於首爾中央大學嘅藝彬，修讀時裝與紡織學，經常需要搵模特兒行天橋展示作品，之但係對於大學生嚟講，每次演出都要畀錢搵模特兒，絕對係一筆唔小嘅開支，而擁有出眾身材加上美貌嘅藝彬，便順理成章成為功課模特兒，喺一次公開演出嘅活動中，佢被模特兒事務所睇中，邀請佢做模特兒。雖然佢當時一心朝時裝業發展，但係亦唔抗拒模特兒工作，事關佢覺得即使做模特兒都唔會影響學業。就係咁樣，佢喺在學階段便以職業Model身份開始模特兒事業生涯，憑住迷人嘅外形，好快喺攝影模特兒界中獲得人氣。
初出道時，由於經驗淺，事務所未有安排佢演出大型活動。喺呢個時候有前輩同佢講，想喺模特兒界獲得高人氣，最重要係識得打扮，令自己嘅女人味散發出嚟，如果想更進一步嘅話，便要塑造形象，例如走野性定純情路線，總之一定要令人諗起呢類模特兒時，就會第一時間諗起你。開竅之後，佢決定以親切加性感嘅造型示人，結果令事務所眼前一亮，之後安排佢喺格鬥賽擔任舉牌女郎。擁有激凸上圍嘅藝彬，穿上性感嘅制服，不但成為場中嘅焦點，而佢親切嘅笑容更予人溫暖嘅感覺，因此有人稱佢做「擂台上的天使」。
人氣極速飆升嘅佢，不但成為格鬥賽嘅專屬舉牌女郎，工作機會亦大大增加，事關喺呢段期間，佢又以模特兒身份喺商品展示會上登場，同時又喺電玩展中化身成性感Show Girl。不過講到事業大爆發，就要數到喺一個大型車展上，藝彬穿上開胸晚禮服示人，不但女人味出晒嚟，而中門大開嘅設計，更係令深溝展露無遺，試問如此性感嘅造型，又點可能唔成為男士嘅焦點呢？憑住呢次成功嘅演出，令佢嘅人氣攀升至頂峰，而佢嘅名字更係紅遍南韓網絡，自此之後但凡有車展活動，總會發現到佢嘅身影。與此同時，佢更踩入賽車女郎界，先後為多支車隊擔任專屬賽車女郎。如此成績，證明佢當初嘅苦心經營一啲都冇白費。
簡介：李藝彬最為人注目嘅地方，絕對係心口，事關一對激凸嘅雙峰，不論穿着任何服裝都顯得玲瓏浮凸，相當迷人。據佢講，曾經試過修改制服，着起嚟更貼身，從而令身段睇起嚟更誘人。如果大家想了解阿妹多啲，就要Click入呢個網站。
網址：http://cafe.daum.net/glamorousljh
出生地：首爾
身高：167cm
三圍：36-24-35
撰文：魂