劉穎鏇失足墮橋伍允龍負傷撲救

伍允龍及劉穎鏇身在菲律賓拍攝監製林志華的新劇《兄弟》，兩人在劇中有很多動作戲，伍允龍就拍慣拍熟，但Tiffany首次拍劇就要挑戰不少高難度動作，更要在十多層樓高的位置吊威吔！她的表現相當不俗，有板有眼，連監製及伍允龍都讚她抵錫！日前，伍允龍與Tiffany又在火車軌上拍攝追逐戲，伍允龍更勇救墮橋的Tiffany。

火車軌追逐

受訪時，伍允龍坦言在菲律賓曬到燶，每日都有武打戲份，少不免受傷。談到他與Tiffany在火車軌上的追逐戲，他說：「條火車軌冇火車行，不過有啲舊，啲木有啲鬆，拍追逐場面嗰陣要好小心！」又透露期間不慎整親腳，幸而沒大礙。

Tiffany墮橋的戲份看似危險，實則劇組做足安全措施。伍允龍大讚Tiffany身手愈來愈好，而且勤力又聽話：「知佢為套劇付出好大努力，學埋泰拳，我當佢妹咁錫o架啦！（會收佢為徒？）佢好有潛質，返香港睇佢意願。我都有指點吓佢，教佢出拳要點出先靚、啲動作點打會好睇啲！如果佢有興趣學，教佢絕對冇問題！」

劉穎鏇與伍允龍在火車軌上拍追逐戲，一步一驚心。

劉穎鏇雖然是新丁，但表現獲伍允龍激讚。

吊威吔喊驚

Tiffany坦言本身不畏高，但吊威吔時有少許離心力，坦言驚驚：「唔敢望下面，條橋都驚險，伍允龍整親搞到隻腳流血，當時都嚇一嚇！」提到向伍允龍拜師，她說：「佢肯，我當然想啦！」

文：影視組