歌手張崇基、張崇德昨日下午出席商場活動，獻唱經典歌曲及與歌迷玩遊戲。今年入行二十五周年的兄弟倆透露在年底舉行演唱會：「係一個紀念，覺得可以唱到咁多年都好Proud，今次會係我哋第九次演唱會，諗緊可以玩咩新嘅音樂元素。」
張崇德坦言想把演唱會做得有挑戰性：「唔想做得好簡單容易，依家仲未諗好。」問到農曆新年會否休息？張崇基謂過年前要搬屋，所以沒有外遊打算，又表示自從做了父親後，參與多了親子節目覺得幾好玩。