小S「肌」會難逢喪抽陳偉霆水

「型男廚神」謝霆鋒主理的節目《鋒味》（前名《十二道鋒味》）向來擁躉多，台灣藝人小S（徐熙娣）曾揚言若霆鋒邀請陳偉霆上節目的話，她一定要在場。今日播出的《鋒味》香港站中，霆鋒「找數」邀得二人一起上節目，出海玩William最愛的滑水。在節目預告中，小S主動幫穿背心的William搽太陽油，更伸出「魔爪」摸勻對方的胸肌和腹肌「抽水」，之後又摸面，令William尷尬傻笑，小S更抵死地說：「每一吋肌膚都要搽到。」搞到在旁的霆鋒備受冷落，但眼見小S不停抽水都忍不住笑！

當老公冇到

其後William型爆滑水，又大騷花式，睇到在船上的小S心心眼及流口水，大讚有型之餘還笑言要跟他交往！事後小S說：「看到William滑水就想唱王菲的《我願意》。」問到如果William和老公同時掉到海裏會救誰？小S說：「絕對會跳到海裏救William，如果沒救到他，就會跟他一起死。」擺明當老公冇到！而William更在節目內大晒「陳式菜譜」，煎雞胸與霆鋒及小S分享。

小S對陳偉霆又攬又搽油，盡情抽水！	小S、陳偉霆	陳偉霆滑水使出看家本領。

霆鋒重返樂壇

另外，多年未有出席樂壇頒獎禮的霆鋒，宣布將於明年1月20日在高雄出席《KKBOX風雲榜》，與台灣天后張惠妹及林俊傑成為「風雲大使」，與同場的歌神陳奕迅、G.E.M.（鄧紫棋）、楊丞琳、盧廣仲等人表演。而2018年霆鋒將重返樂壇，於1月4日推出廣東新歌《有火》，他說：「明年我會將時間多放在音樂上面，也會有新的作品，很期待跟大家見面！」又說之前在世界各地拍攝《鋒味》時一直有創作，只要靈感浮現就會寫下來。

文：音樂組